Ukrayina Silâlı quvetleriniñ Baş ştabı, ilk malümatqa köre, Rusiyeniñ "Savasleyka" uçaq alanına ücüm neticesinde eki Rusiye uçağınıñ (tahminlerge köre, MiG-31 ve Su-30/34) yoq etilgeni aqqında bildirdi.
"İlk yaz ayınıñ 9-na keçken gecesi Ukrayina mudafaa quvetleriniñ diger qısımlarınen beraberlikte Ukrayina arbiy quvetleriniñ mahsus operatsiyalar quvetleriniñ bölükleri RF Nizhny Novgorod vilâyetinde "Savasleyka" uçaq alanına ücüm etti. Rusiye istilâcısı onı Ukrayinağa ücüm etmek içün qullana. Bu arbiy obyektten, hususan, muntazam sürette "Kinjal" aeroballistik raketa taşıyıcıları olğan MiG-31K qırıcıları uçıp çıqa", — dep aytıla haberde.
Rusiye akimiyeti ve arbiyleri bu ücüm aqqında haber etmedi. Muarririyet şimdilik mustaqil menbalardan alınğan malümatnı teşkerip olamay.
Rusiyeniñ Ukrayinağa tam miqyaslı istilâsı başlağanından berli, Rusiye regionları muntazam sürette ateşke ve uçucısız uçaqlarnıñ ücümlerine oğray. Rusiye Mudafaa nazirligi memleketniñ üzerinde urulıp tüşürilgen raketa ve dronlar aqqında esabat bere. Kıyiv bu beyanatlarnı izaatlamay.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
