İşğal etilgen Qırımda Rusiye ordusınıñ "diskreditatsiyası" maddesine istinaden 1382 dava qayd etildi. Materiallar Rusiye Federatsiyasınıñ nezaretindeki mahkemelerge ya da yarımadanıñ diger akimiyet organlarına keldi, dep haber ete Ukrayina prezidentiniñ Qırım Muhtar Cumhuriyetindeki temsilciligi.
"1218 davada para cezalarınıñ berilmesi ya da davalarnıñ toplu qarar çerçivesinde birleştirilmesi aqqında qarar alındı. 61 dava daa baqılmaqta. Qararlarnıñ yüzde 49% (597) qadınlarnen, yüzde 51% (620) erkeklernen bağlı", — dep aytıla haberde.
Daa evel İnsan aqları Avropa mahkemesi Rusiyeni söz serbestliginiñ sistematik basqısı ve Ukrayinağa qarşı cenkni tenqit içün taqip etüvde qabaatlı tanıdı. Avropa insan aqları mahkemesi, Qırımda Rusiye mahkemeleriniñ bütün "qararları" qanunsız olğanını qayd etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
