İlk yaz ayınıñ 8-nde işğal etilgen Qırımda 72 yaşında qırımtatar aktörı, Ukrayinada nam qazanğan artist, halq yırlarınıñ icracısı Dilâver Settarov vefat etti. Bu aqta Meclis reisi Refat Çubarov bildirdi.
Dilâver Settarov 1953 senesi ilk qış ayınıñ 22-de sürgünlikte dünyağa keldi. Taşkent devlet konservatoriyasında oqudı, anda professional muzıka tasilini aldı ve opera solisti olaraq çalıştı. Qırımğa qaytqan soñ, Qırımtatar akademik muzıkalı-drama teatriniñ ilk aktörlarından biri oldı, anda o, qurulğanından berli çalıştı.
Öz ayatı devamında Settarov teatrde, televizion seriallarda ve bediiy filmlerde onlarnen rollerni icra etti. Hususan, "Tatar triptihi" filminde Memet rolüni oynağan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
